ആവിഷ്ക്കരണം

കണ്ണീരിന്‍റെ
ആഴത്തില്‍മുക്കിയാണ്
നിന്നെ
ഈ
ശിലയിലിരുത്തിയത്.
നനഞ്ഞ്നനഞ്ഞ്
പുറമുണക്കി
എന്തെല്ലാംകൊത്തുപണികള്‍ചെയ്തു
എന്നിട്ടും
അവിടെയിരിക്കാതെ
പൊടിഞ്ഞ്പൊടിഞ്ഞ്
നീ
എന്നിലേക്കുതന്നെ
മടങ്ങിപ്പോരുന്നു.

നിന്നെ
ഓര്‍ത്തെടുക്കുമ്പോള്‍
മുളയ്ക്കാത്ത ഒരു ചെടിയില്‍
വിരിയാത്ത ഒരു പൂവിനെ
കാണുന്നുണ്ട് ഞാന്‍.

എനിക്ക് മാത്രം
മീട്ടാന്‍ കഴിയുന്നത്‌
ഇത്ര കാലം നീ
ഒളിപ്പിച്ചു വെച്ചത്
എവിടെ ആയിരുന്നു

പ്രണയം

ഇലകള്‍ക്ക് മാത്രം
വിട്ടു പോരാന്‍ കഴിയാത്തത് കൊണ്ടാകണം
കൊമ്പോടെ
ഒടിഞ്ഞു
താഴെ വീണത്‌